Kabhi Kuch To Kisi Ke Waaste Dil Se Dua Kar Quotes

Kabhi kuch to kisi ke waaste dil se dua kar lo,
yahi insaaniyat ka farz hai, tum bhi ada kar lo,
koi bhi shakhs duniya mein tumhein chhota nazar na aaye,
tum apne sochne ka daayra itna bada kar lo,
humaari apni fitrat hai wafa karna, wafa kar lo,
tumhari apni marzi hai wafa karo, ya jafa kar lo,
ye duniya khubsoorat hai yaqeen aa jaayega tumko,
kisi se dil lagaane ki kabhi koi khata kar lo..

Muddat ke baad dekh kar uss shakhs ko Munir
Ek baar dil tau dharka magar phir sambhal gaya..

Mujhe khushboo ki taraha baat uraane wale
tujh mein pehlay to na the rang zamanay wale
apni aasteenon mein chupaye hue khanjar aaye
mujh se yaaron ki taraha haath milaane wale..

Kitne anjaan tabiyat ke hain mere chaahne waale, wasi
jab tak hum na puchein haal, woh hum se baat hi nahi karte..

Mujhse ek baat bahut talakh kahi thi usne
baat to yaad nahi haan yaad hai lehja uska..

Kal shaam tere ghar qayam kis ka tha
na tha koi musfir to ehtmam kis ka tha
likh-likh choomti rahi jis ko raat bhar ankhen tumhaari
humein bhi batao woh naam kis ka tha
jis ko sun ke ro pare ehl-e-mehfil
itna bheegta hua anjam kis ka tha
humein pee ke hosh na raha saaqi
woh haath kis ka tha woh jaam kis ka tha..

Yeh zindagi hai ke barish hai sangraizoon ki
main toot phoot gya iss mein mubtila ho kar..