Udasiyon Ka Yeh Mausam Badal Bhi Sakta Tha, Woh Chaahta To Quotes

Udasiyon ka yeh mausam badal bhi sakta tha,
woh chaahta to mere saath chal bhi sakta tha,
woh shakhs ke jise tu ne, chhorrne mein jaldi ki,.
tere mizaaj ke saanche mein dhal bhi sakta tha,
woh jald-baaz khafa ho ke chal dia werna,
tamam maslon ka koi hal nikal bhi sakta tha,
anaa ne haath uthaane hi na diye werna,
meri dua se woh pathar pighal bhi sakta tha,
tamaam umer tera muntazir raha woh ek shaks,
yeh aur baat ki woh rassta badal bhi sakta tha..

Majrooh! Aaj to hai shab-e-vasl-mah ro
Keh do ke koi jaldi se aakar bujhaye shamaa.. - Mir Mehdi Majrooh

Mera hunar to meri jus-ta-ju mein rehta hai
ajab azaab-e-safar hai lahoo mein rehta hai
kisi ko dekho to meezan-e-harf mein par-kho
nasab ka wazn to har guf-ta-gu mein rehta hai..

Majboor na hote jo tabiyat se Zaheer! Aah
Ghar ghair ke kyun dekhne jaate teri surat.. - Qazi Mohammad Zaheeruddin Zaheer Lakhnavi

Mere kabile mein kiss-se sunae jaate hain
naseeb bante nahi banaye jaate hain
baar baar batati hain ye aandhiya humein
charagh bhujte nahin bhujaye jaate hain..

Kuch apni galtiyon ka azala karo Wasi ,
yun nafraton ko dil mein pala na karo Wasi ,
seedha sa ik sawal hai seedha jawab do,
yun muskura ke mujh ko na tala karo Wasi ,
alfaz gira dete hein jazbat ki qeemat,
jazbat ko lafzon mein na dhala karo Wasi ,
sambhle hue logon ke girne ki fikr choro,
jo gir rahe hain unko sambhala karo Wasi ..

Maikade se jo nikala meri tauba ne Jaleel
Muddaton sheesha-o-saaghir ne mujhe yaad kiya.. - Hafeez Jaleel Hasan Jaleel Lakhnavi