Maut Apni Na Amal Apna Kho Gaya Shorishe-geti Mein Karina Apna Nakhuda Quotes

Maut apni na amal apna
kho gaya shorishe-geti mein karina apna

nakhuda door, hawa tez, karin kaame-nahang
waqt hai fenk de lehron mein safeena apna

arsa-e-dah ke hungaame tahe-khwaab sahi
garm rakh aatishe-pekaar se seena apna

saakiya ranj na kar jaag uthegi mehfil
aur kuch der utha rakhte hain peena apna

beshkeemat hain yeh gham haaye- mohabbat mat bhool
zulmate-yaas ko mat saunp khajeena apna.. - Faiz Ahmed Faiz

Details:
Amal - work
shorishe-geti - hue and cry of the world
karina - method
nakhuda - driver of boat
karin - near
kaame-nahang - mouth of crocodile
safeena - boat
arsa-e-dah - span of life
tahe-khwaab - not visible due to sleep
aatishe-pekaar - fire of struggle
haaye-mohabbat - sorrow of love
zulmate-yaas - despair alike darkness
khajeena - treasure

Kabhi nadi kabhi sehra dikhai deta hai
tumhari aankon mein kya-kya dikhai deta hai
main kya bataaun abhi kaun paas se guzra
har ek chehra tujh sa dikhai deta hai..

Koi taveez ho radd-e-balla ka
Mohabbat mere peeche par gayi hai..

Woh mujhe bhoolne ki fikr mein hain
yeh meri fateh hai shikast nahi
baar baar apni wafaon ki kahani na suna
hum wafaon ke maulwi hain kharidaar nahi..

Tujhe ye shauq ke mohabbat ki bheekh mangoon main
meri ye zidd ke taqaza mera usool nahin..

Tum aankhon ki barsaat bachaaye hue rakhna,
kuch log abhi aag lagaana nahi bhoole,
yeh baat alag, haath kalam ho gaye apne,
hum apni tasveer banaana nahi bhoole,
hum apne buzurgon ka zamaana nahi bhoole,
dushman ko bhi seene se lagaana nahi bhoole,
ik umar hui main to hansi bhool chuka hun,
tum ab bhi mere dil ko dukhaana nahi bhoole..

Utha ke phool ki patti nazakat say masal daali
Isharay say kaha hum dil ka aisa haal karte hain..