Halaat Mere Mujhse Na Maaloom Kijiye, Muddat Hui Hai Mujhse Mera Quotes

Halaat mere mujhse na maaloom kijiye,
muddat hui hai mujhse mera wasta nahi..

Koi taveez ho radd-e-balla ka
Mohabbat mere peeche par gayi hai..

Kati hai raat to hungama-gustari mein teri,
seher kareeb hai allah ka naam le saaki.. - Iqbal

Details:
hungama-gustar means carpets of noise.
seher means morning.

Makhsoos dilon ko Ishq ke ilham hotey hain
Mohabbat moajiza hai, mojazey kab aam hote hain..

Dar badar ki saza se darte hain
khushak patte hawa se darte hain
aandhiyon se kabhi mohabbat thi mujhko
ab to baad-e-saba se darte hain..

Details:
Baad-e-saba means Subah ki hawa or morning breeze..

Aap bharam he sahi baat to kar lein humse
kuch na kehne se mohabbat ka gumaan hota hai..

Haath uthe hain magar lab pe dua koi nahi
ke ibadat bhi woh jis ke jaza koi nahi
ye bhi waqt aana tha ab to gosh har aawaz hai
aur mere barbad-e-dil mein sada koi nahi

aa ke ab taslim kar lain tu nahi to main sahi
kon manega ke hum mein bevafa koi nahi
waqt ne wo khak udai hai ke dil ke dasht se
qafile guzre hain phir bhi naqsh-e-pa koi nahi

khud ko yun mahasur kar baitha hun apni zaat mein
manzilen chaaron taraf hain rasta koi nahi
kaise raston se chale aur kis jagah pahunche ‘faraz’
ya hujum-e-dostan tha sath ya koi nahi