Guzraa Waqt Jab Bhi Dil Ki Daastaan Sunaayega, Tumko Bhi Ik Quotes

Guzraa waqt jab bhi dil ki daastaan sunaayega,
tumko bhi ik shaks yaad aayega,
gaur se dekhna zindagi ke panno ko
kahin na kahin to humaara naam bhi nazar aayega..

Ghaav itne gehre hain bayaan kya karein,
hum khud nishana ban gaye waar kya karein,
jaan nikal gayi magar khuli rahi aankhen,
ab iss see zyada unka intezaar kya karein..

Aisi bewafaai ki usne..
mohabbat bhi badnaam ho gayi,
apni mohabbat ki itni keemaat vasool ki usne...
ki humaari kabr bhi nilaam ho gayi.

Jaane kyon is jahaan mein aisa hota hai,
khushi jise hoti hai wahi rota hai,
umar bhar saath nibha na sake jo,
jaane kyon pyaar usi se hota hai.

Kareeb reh kar bhi woh humein jaan na paaye,
aaj tak woh humein pehchaan na paaye,
khud hi banaa li unse duriyaan humne..
taaki un par koi ilzaam na aaye.

pyaar hai to aansuon ki bhi shaan hoti hai,
pyaar na ho to mehfil bhi shamshaan hoti hai,
saara khel to pyaar ka hai..
warna janaaza aur baaraat ek samaan hoti hai.

Log har manzil ko mushkil samajhte hain,
hum har mushkil ko manzil samajhte hain.
Bada fark hai log aur humaare nazarie mein,
log dil ko dard aur hum dard ko dil samajhte hain..