Bagaer Jaane Pehchane Iqraar Na Kijiye Muskura Kar Dilo Ko Beqraar Quotes

Bagaer jaane pehchane iqraar na kijiye
muskura kar dilo ko beqraar na kijiye
phool bhi de jaate hain zakham gehre kabhi kabhi
har phool par yun aetbar na kijiye..

Hasti ko mohabbat main fanha kaun karega
Yeh faraz zamaane main adaa kaun karega
Haathon ki lakeeron ko zara dekh najoomi
Yeh dekh mere saath wafa kaun kerega..

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Adawat hai na nafrat hai khuda ke waaste aa jaa,
mujhe tujh se mohabbat hai khuda ke waaste aa jaa,
bina khusboo kisi gul ki koi keemat nahi hoti,
mujhe teri zarurat hai khuda ke waaste aa jaa,
kisi ko kaise doon main yeh bina teri ijaazat ke,
yeh dil teri amaanat hai khuda ke waaste aa jaa..

Na dekh asmaan ko itni hasrat se wasay
woh sitaara toot gaya jiski tujhe talaash thi..

Ab ki bar milenge to khoob rulaayenge tumhe,
suna hai tumhe rone mein lipat jane ki aadat hai..

Phool reh jayeenge gul-daan mein yaadon ki nazar,
main to khushboo hoon fizaaon mein bikhar jaaoonga..