Aankhon Ki Dehleez Pe Aa Kar Sapne Roz Bikhar Jaate Hain.. Quotes

Aankhon ki dehleez pe aa kar
sapne roz bikhar jaate hain..

Pata laga tera but-khaane mein na kaabe mein
Phire talaash mein teri kahan kahan se.. - Janaab Nawab Syed Mohammad Khan Rind

Mujay aksar sitaron se yahi aawaaz aati hai
Kisi ke hijar mein neendein ganwaa ker kuch nahi milta
Jigar ho jayega chalni yeh aankhaein khoon royengi
Wasi bay faiz logon se nibhaa ker kuch nahi miltaa..

Dil le ke mera dete ho daagh-e-jigar mujhe
yeh baat bhoolne ki nahi umar bhar mujhe..

Na dekh asmaan ko itni hasrat se wasay
woh sitaara toot gaya jiski tujhe talaash thi..

Kati hai raat to hungama-gustari mein teri,
seher kareeb hai allah ka naam le saaki.. - Iqbal

Details:
hungama-gustar means carpets of noise.
seher means morning.

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey