Dukhon Me Mere Daaman Ko Yun Thaam Rakha Hai Mohsin Ke Quotes

Dukhon me mere daaman ko yun thaam rakha hai Mohsin
ke jaise un ka bhi mere siwa aur koi nahi..

Roz-e-eid gulaab chehron mein usko talash karta hoon
main apne aap se yeh sawaal karta hoon
woh ek shakhs jiska saath tha lamhe bhar ke liye
main uske waastey kyun dil udaas karta hoon..

Abhi sooraj nahi dooba zaraa si shaam hone do
main khud hi laut jaaoonga, mujhe naa-kaam hone do

mujhe badnaam karne ke bahaane dhoondte ho kyun
main khud badnaam ho jaaoonga, pehle naam hone do

abhi mujhko nahi karna hai, aitraaf-e-shikast
main sab tasleem kar loonga, ye charcha aam hone do

meri hasti nahi anmol, phir bhi bik nahi sakta
wafaaein bech lena per zaraa neelaam hone do

naye aaghaz main hai hosla kyun haar baithe ho
jeet jaaoge sab kuch zaraa anjaam hone do..

Mustaqil mujhi ko dekhti rehti hain
apni nazar pe zara nazar rakhiye janaab..

Meri qabar pe woh rone aaya hai
humsy pyaar hai ye kehny aaya hai
jab zinda the to rulaya bahut usne
ab hum aaram se soye hain to jagaane aaya hai..

Taluq ab yahan kam hai mulaqatein hain bahut zyada
hajoom-e-shehar mein har shahks tanha ho gaya hai
main tujhse saath bhi to umar bhar ka chahta tha
so ab tujh se gila bhi umar bhar ka ho gaya hai..

Dolat-e-dard ko duniya se chupa kar rakhna
aankh main boond na ho dil mein dariya rakhna..