Zindagi Mein Bahut Kam Milli Hai Faraz Woh Cheez Jise Shiddat Quotes

Zindagi mein bahut kam milli hai Faraz
woh cheez jise shiddat se chaaha maine..

Kya bataun woh kitna badal gai,
jo roshni thi andhere mein dhal gai,
hum ek saath hi guzre the aag se,
main jal gaya woh bach ke nikal gai..

Ye nashist kya hai raah mein, terey zauq-e- ishq ko kya huwa
abhi chand kaantey chubhey nahi ke sab iraadey badal gaye..

Bichar kar khat bhi na likha udaas yaaron ne
kabhi kabhi ki adhoori mulaqaat se bhi gaye..

Mere aaine mein ek shikast chehra hai
Munsif ke aas-paas ek ilzaam thehra hai

Bhanwar se jaan bachaake idhar aa gaye
Jahaan duur-duur tak bas ek sehra hai

Waar ko bhool jaayenge kisi roz, magar
Chot dil pe hai aur ghaav bhi gehra hai

Aankhon ki nami se dhundli hai nazar
Ya phir naseeb pe chhaaya kohra hai

Ab mere liye maqtal sajao
Suna hai qurbaaniyat ka anjaam sunehra hai.. - Anand Halve

Details:
shikast - defeated; Munsif - judiciary/judge; ilzaam - accusation

Bhanwar - whirlpool; Sehra - desert

Ghaav - wound

Kohra - mist, dhund

Maqtal - place of slaughter or execution

Woh aise ishq mein kaisa kamal rakhta hai
ki be-rukhi mein bhi mera khayaal rakhta hai
ajab nahi woh jahan bhar ko be-wafa samjhe
nazar mein meri wafa ki misal rakhta hai..

Aaj fir tootengi tere ghar ki nazuk khirkiyan
aaj ek deewana tere shehar mein dekha gaya..