Wo Ashak Ban Ke Meri Chasm-e-tar Mein Rehte Hain Ajeeb Shaks Quotes

Be-Faida hai Zeest main Ahbaab ka hajoom
Ho pekar-e-Khaloos to kaafi hai ek shakhs..

Is saadgi pe kaun na marr jaaye ae khuda
ladte hain aur haath mein talwar bhi nahin..

Kabhi nadi kabhi sehra dikhai deta hai
tumhari aankon mein kya-kya dikhai deta hai
main kya bataaun abhi kaun paas se guzra
har ek chehra tujh sa dikhai deta hai..

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Mohabbat mein Jigar guzre hain aise bhi maqam aksar
Ke khud lena padha hai apne dil se inteqaam aksar.. - Jigar Moradabadi