Hum Dushmano Ko Bhi Pakeeza Saza Dete Hein Haath Uthate Quotes

Hum dushmano ko bhi Pakeeza saza dete hein
Haath uthate nahi, nazron se Gira dete hein..

Kiss-se teri nazar ne sunaaye na phir kabhi
hum ne bhi dil ke daag dikhaaye na phir kabhi
ae yaad-e- dost aaj tu ji bhar ke dil dukhaa
shaayad ye raat hijr ki aaye na phir kabhi..

Abhi sooraj nahi dooba zaraa si shaam hone do
main khud hi laut jaaoonga, mujhe naa-kaam hone do

mujhe badnaam karne ke bahaane dhoondte ho kyun
main khud badnaam ho jaaoonga, pehle naam hone do

abhi mujhko nahi karna hai, aitraaf-e-shikast
main sab tasleem kar loonga, ye charcha aam hone do

meri hasti nahi anmol, phir bhi bik nahi sakta
wafaaein bech lena per zaraa neelaam hone do

naye aaghaz main hai hosla kyun haar baithe ho
jeet jaaoge sab kuch zaraa anjaam hone do..

Ye adaa-e-beniyaazii tujhe bewafa mubaarak
magar aisi bhi be-rukhii kya ke salam tak nahi..

Yun tera intezaar karta hun
jaise main tujhko yaad hun ab tak..

Tamaam umar mein har azaan ke baad
ik imtihaan se guzri hun main har imtihaan ke baad
khuda kare ke kahien aur gardish-e-takdeer
kise ka ghar na ujre mere makaan ke baad..

Hosla karte hain jeene ka magar hota nahi
zindagi ka yeh safar kyun mukhtasir hota hai
akal ka deewangi se wasta kesa bhala
ishq meri jaan kabhi soch kar hota nahi..