Shaam-e-samandar, Gham-e-vasl Aur Tanhaai, Dil Ko Teri Yaad Aa Na Jaaye.. Ret Quotes

Shaam-e-samandar, gham-e-vasl aur tanhaai,
dil ko teri yaad aa na jaaye..
Ret par reh na jaaye koi baaki nishaa,
chaand mein teri surat nazar aa na jaaye..
Giraft-e-bekhudi se hi kaayam hai maikadaa saare,
diljalo ki basti mein dilnasheen aa na jaaye..
Haayat ki ungaliyon par naachte hain hum,
guroor-e- naseeb zehen mein ab aa na jaaye..

Waqt ke panne palatkar
fir woh haseen lamhe
jeene ko dil chaahta hai,
kabhi muskuraaya karte the sab dost milkar..
unhe saath dekhne ko aaj dil taras jaata hai.

Tanhaai na paaye koi mehfil ki raat ke baad,
judaai na paaye koi kisi ke saath ke baad,
na pade kisi ko aadat kisi ki itni..
ki har saans bhi aaye uski yaad ke baad.

Tu nahi to zindagi mein kya reh jaayega,
dooor tak tanhaayion ka silsila reh jaayega,
har kadam par saath chalna yaar,
warna tera yeh dost tanha reh jaayega.

Kadam-kadam par bahaaron ne saath chhoda,
zaroorat padne par yaaron ne saath chhoda,
vaade kiye sitaaron ne saath dene ke,
lekin subha hone par sitaaron ne bhi saath chhoda.

Ek kahani hazaaro saal purani,
husn aur mohabbat gehre dost the,
ek din dono saath mein baithe the,
k chaand nikal aaya,
itne mein mohabbat ne chaand ki taarif karni shuru kar di,
yeh baat husn ko achchi na lagi
aur usne mohabbat ki aankhe noch li,
tabhi se mohabbat andhi aur husn zaalim ho gaya.

Kaash kushiyon ki koi dukaan hoti,
humaari us-se pehchaan hoti,
bhar dete aapka daaman khushiyon se..
phir chaahe uski keemat humaari jaan hoti.