Woh Din.. Woh Mehfilein.. Woh Shagufta Mijaaz Log Mouj-e-Zamana Le Gai Quotes

Woh din.. woh mehfilein.. woh shagufta mijaaz log
Mouj-e-Zamana le gai jaane kahan-kahan..

Safar mein ain mumkin mein khud ko chor doon lekin
duaein karne walon ka sahara saath rehta hai
mere maula ne mujh ko chahton ki saltanat de di
magar pehli mohabbat ka khasara yaad rehta hai..

Naamaabar tu hi bataa tune to dekhe honge
kaise hote hain vo khat jinka jawaab aataa hai..

Apne hone ka pata de dena
kabhi guzro to sada de dena
yaad aa jaaun ibaadat mein agar
haath utha ke bus dua de dena..

Hum jee rahe the unka naam lekar
woh guzarte the hamara salaam lekar
ek din woh keh gaye bhula do humko
humne poocha kaise
woh chale gaye haath mein jaam dekar..

Sunana sahil pe ja ke wafa ke fasaane magar
kabhi kirnon ka raet par paighaam na likhna..

Har lafz ko hakayat banaya
Har manzar mein tujhe paya
Khawaishon ke sahil par
Ek poudha yaadon ka lagaya
Phir bhi Tamaam umar humne
Apni rooh ko payasa paya..