Kar Guzaarish Khuda Se 'abhi' Tu Apne Liye, Ki Jee Le Quotes

Kar guzaarish khuda se 'abhi' tu apne liye,
ki jee le ek aur din tu kisi ke liye,
har nayi mushkil se kyun ghabrata hai tu,
ek umar guzarti hai tajurbon ke liye,
saaki ne band kiye maikadaa'n ke darwaaze,
paimaano ki zaroorat nahi nigaahon se peene ke liye,
furkat-e-yaar mein bekaraar hai 'abhi',
aur mausam bhi tayyaar hai barasne ke liye,
doosre ke girebaa'n mein jhaankta hai jo,
ek nazar rakhe apne girebaa'n ke liye bhi..
- Abhishek Tanwar

Naakaamiyon ne aur bhi sarkash bana diya
itne hue zaleel ke khuddaar ho gaye..

Main lafzon mein kuch bhi izhar nahi karti
iska matlab ye nahi ke main tujhe pyaar nahi karti,

Chahti hoon main tujhe aaj bhi par
teri soch mei apna waqt bekar nahi karti..

Ss ki qurbat main kuch nahi kaha maine
takti reh gai mujhko chandni sard raaton ki..

Hazaaron mushkilein hain doston se door rehne mein
Magar ek faida hai peeth main khanjar nahi lagtaa..

Safar mein ain mumkin mein khud ko chor doon lekin
duaein karne walon ka sahara saath rehta hai
mere maula ne mujh ko chahton ki saltanat de di
magar pehli mohabbat ka khasara yaad rehta hai..

Nikalna khuld se Adam ka sunte aaye the lekin
Bade beabru hokar tere kuche se ham nikle.. - Mirza Asadullah Khan Ghalib