Har Nazar Nazar Mein Ek Kashish Hoti Hai, Har Dil Mein Quotes

Har nazar nazar mein ek kashish hoti hai,
har dil mein ek chahat hoti hai,
mumkin nahi har ek ke liye Taj Mahal banana,
par har dil mein ek Mumtaz zaroor rehti hai..

Bahut dino baad yeh murad poori hogi
tum samne baitho to har baat poori hogi
na guzarana sar jhukake humare samne se
agar na dekh paaun chehra aapka kabhi
to tamaam zindagi adhuri hogi..

Lahaq hai yahan marz muhabbat ka sabhi ko
is shehar ke logon mein waba aam bohat hai
har darja sharafat ka libada hai orha
aur dil mein haqarat ki bala aam bohat hai
rishton ke yahan paas to rakhte hain sabhi par
hairat hai ke lutne ki sada aam bohat hai
daawa hai ke har fard wafadaar hai yahan
hai darj kitabon mein jafa aam bohat hai
tum naik tamannaein to rakhte ho bahut Qateel
is shehar mein naiki ki saza aam bahut hai..

Teri duniya mein ya rabb zeest ke saamaan jalte hain
faraib-e- zindagi ki aag mein insaan jalte hain..

Mujh se hogi nahi duniya yeh tijarat dil ki
main karun kya ke mera zehan hai khawabon waala..

Udaas lamhon ka na koi malal rakhna
tufan mein bhi wajood sambhal rakhna
kisi ke liye shart-e- zindagi tum ho
kisi ki khatir hi apna khayal rakhna..

Har tarike se bhulana chaha magar,
har khayal se paida, tera khayal hota hai..