Zakham Dene Ka Andaaz Kuch Aisa Hai Zakham Dekar Puchte Hai Quotes

Zakham dene ka andaaz kuch aisa hai
zakham dekar puchte hai ab haal kaisa hai
kisi ek se gila kya karna yaaron
saari duniya ka mijaaz ek jaisa hai..

Ss ki qurbat main kuch nahi kaha maine
takti reh gai mujhko chandni sard raaton ki..

Zaroorat aur zehmat ne gumraah kar diya
warna iraade hum bhi nek rakhte the..

Fareb tha hasi mein aashiqi samajh baithe
maut ko hi apni zindagi samajh baithe
waqt ka mazaak tha ya badnasibi humari
uski do baaton ko hi chahat samajh baithe..

Mujhe dard-e- ishq ka mazaa maalum hai,
Dard-e-dil ki inteha maalum hai,
Zindagi bhar muskurane ki dua na dena,
Mujhe pal bhar muskurane ki sazaa maalum hai..

Neend to bachpan mein aati thi
ab to bas thak kar ke so jaate hain..

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey