Tum Mujhe Bhool Jao To Yeh Haq Hai Tumko Meri Baat Quotes

Haath uthe hain magar lab pe dua koi nahi
ke ibadat bhi woh jis ke jaza koi nahi
ye bhi waqt aana tha ab to gosh har aawaz hai
aur mere barbad-e-dil mein sada koi nahi

aa ke ab taslim kar lain tu nahi to main sahi
kon manega ke hum mein bevafa koi nahi
waqt ne wo khak udai hai ke dil ke dasht se
qafile guzre hain phir bhi naqsh-e-pa koi nahi

khud ko yun mahasur kar baitha hun apni zaat mein
manzilen chaaron taraf hain rasta koi nahi
kaise raston se chale aur kis jagah pahunche ‘faraz’
ya hujum-e-dostan tha sath ya koi nahi

Koi aankhon aankhon se baat karta hai
koi aankhon aankhon mein mulaqat karta hai
mushkil hota hai jawab dena
jab koi khaamosh reh kar sawal karta hai..

Kabhi yak bayak tawajjo, kabhi dafatan taghaaful
mujhe aazma raha hai, koi rukh badal-badal ke..

Badla jo waqt gehri rafaaqat badal gai
Suraj dhala to saae ki surat badal gai
Ik umar tak main uski zaroorat bana raha
Phir yun hua ke uss ki zaroorat badal gai..

Muddat se koi shaks rulaane nahi aaya
Jalti hui aankhon ko bujhaane nahi aaya
Kehta the hum saath jiyenge aur marenge
Ab Rooth gia hun to manaane nahi aya..