Yeh Zindagi Hai Ke Barish Hai Sangraizoon Ki Main Toot Phoot Quotes

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Kadam ruk se gaye hain aaj phool biktey dekh kar
woh aksar mujh se kehta tha mohabbat phool jaisi hai..

Aaj fir tootengi tere ghar ki nazuk khirkiyan
aaj ek deewana tere shehar mein dekha gaya..

Un ke kehne par ghar ke kacche raaste par
humne itne deep jalaye ke
roshni ki hadd dekh kar woh
is pareshani mein waapas laut gaye
ki raat ka waada tha ab to din nikal aaya hai..

Mujhe ye dukh nahi ke main mar jaaonga ik din Wasi
mujhe dukh hai ke mere baad teri khusiyon ki dua kaun karega..