Mere Khawabon Ka Har Naqsh Mita De Koi Sookhe Patton Ka Quotes

Rasam-e- duniya se hat ke adaawat karna
Na sahi mujh se mohabbat chalo nafrat karna
La sakon jis ki na mein taab, jise seh na saku
Mujh ko aab aisa koi zakhm inayat karma..

Saleeqa hi nahi shaayed usey mehsoos karne ka
jo kehta hai Khuda hai to nazar aana zaroori hai..

Ss ki qurbat main kuch nahi kaha maine
takti reh gai mujhko chandni sard raaton ki..

Kafan na dalo mere chehre pe
mujhe aadat hai muskurane ki
na dafnaao meri laash ko
mujhe ab bhi umeed hai uske aane ki..

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey