Mujhe Giley Hain Mujhpe Bharosa Nahi Usey Ye Soch Kar Humne Quotes

Mujhe giley hain mujhpe bharosa nahi usey
ye soch kar humne bhi to roka nahi usey
woh shaks kabhi chand sitaron se yeh pooche
hai kaun si woh raat jab socha nahi usey
alfaz teer ban ke utarte rahe dil mein
sunte rahi chup-chap hi toka nahi usey
sagar yeh mohabbat nahi asul-e-wafa hai
hum jaan to denge magar dhoka nahi tumhe..

Na ho udaas woh tujh se agar nahi milta
yahaan kisi se koi umar bhar nahi milta
hua hai shehar tabha tujh ko to khabar hogi
bahut dino se mujhe apna ghar nahi milta
har ik mod pe milte hain sainkron chehre
main dhoond-ta hun jisse woh magar nahi milta..

Maine us-se poocha ke dhoop mein baarish hoti hai
Woh hanste-hanste rone lagi aur dhoop may baarish hone lagi..

Duniya ne teri yaad se begana kar diya
Tujh se bhi dil-faraib hain gham rozgaar ke..

Thukra ke usne mujhko kaha ke muskurao
main hans diya aakhir sawaal uski khushi ka tha
maine khoya woh jo mera tha hi nahi
usne khoya woh jo sirf uss ka tha..

Haath uthe hain magar lab pe dua koi nahi
ke ibadat bhi woh jis ke jaza koi nahi
ye bhi waqt aana tha ab to gosh har aawaz hai
aur mere barbad-e-dil mein sada koi nahi

aa ke ab taslim kar lain tu nahi to main sahi
kon manega ke hum mein bevafa koi nahi
waqt ne wo khak udai hai ke dil ke dasht se
qafile guzre hain phir bhi naqsh-e-pa koi nahi

khud ko yun mahasur kar baitha hun apni zaat mein
manzilen chaaron taraf hain rasta koi nahi
kaise raston se chale aur kis jagah pahunche ‘faraz’
ya hujum-e-dostan tha sath ya koi nahi

Hazaaron mushkilein hain doston se door rehne mein
Magar ek faida hai peeth main khanjar nahi lagtaa..