Bana Diya Hai Zamaane Ne Dil Ko Patthar Kaa Sataaye Koii Quotes

Bana diya hai zamaane ne dil ko patthar kaa
sataaye koii bhii mujh ko rula nahiin sakataa..

Teri duniya mein ya rabb zeest ke saamaan jalte hain
faraib-e- zindagi ki aag mein insaan jalte hain..

Raaste badal jaate hain, manzilein badal jaati hain,
kyun nahin badalte dil jo taqdeerein badal jaati hain,
dil wahi rehta hai, yaadon ki annginat parchaaiyaan le ke,
aankhon ki nami chupa kar, nazrein badal jaati hain,
rooh rehti hai har lamha ashk-baar, lab hanste hain,
bahar aur andar ki kis tarah fizaaein badal jaati hain,
koi hota hai rafta-rafta zindagi se door, bahut door,
haathon ki yeh lakeerein kyun aksar badal jaati hain..!!

Yeh to sach hai ke sar-e-koocha-o-bazaar bike
yeh bhi sach hai ke tere naam pe har baar bike
apni auqaat to ek jins-e-giraan si bhi na thi
tere kooche main to aa aa ke khareed-daar bike..

Utha ke phool ki patti nazakat say masal daali
Isharay say kaha hum dil ka aisa haal karte hain..

Labon pe aa gai thi ek baat harf-e-haq ban kar,
khabar ye faeli jahan mein ke zuban daraaz hain hum..

Tamaam umar mein har azaan ke baad
ik imtihaan se guzri hun main har imtihaan ke baad
khuda kare ke kahien aur gardish-e-takdeer
kise ka ghar na ujre mere makaan ke baad..