Ab Jis Ke Bhi Dil Mein Aae Wohi Paae Roshni Hum Quotes

Ab jis ke bhi dil mein aae wohi paae roshni
Hum ne to dil jala kar sar-e-aam rakh diya..

Meri nazar se tere roop ke allaow tak
Bichi hui hai anna baraf mosamon jaisi
Shakeel Faaslay katt bhi gaye tau kya haasil
Main beqaraar samandar woh saahilon jaisi..

Teri yaadein bhi tujh si zaalim hain Faraz
Jab dekhti hain tanha humein, sataane chali aati hain..

Kabhi nadi kabhi sehra dikhai deta hai
tumhari aankon mein kya-kya dikhai deta hai
main kya bataaun abhi kaun paas se guzra
har ek chehra tujh sa dikhai deta hai..

Chalo so jaate hain ab phir kisi sach ki talaash mein,
ki subha phir is jhooti duniya ka deedar karna hai..

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Na pooch kitna lutf in musafaton mein hai
tera ghar ab bhi mere raston mein hai
sardiyon ki raat mein woh chaand dekhna
teri pasand ab bhi meri aadaton mein hai..