Main Ne Dekha Hay Bahaaron Mein Chaman Ko Jalte Hay Koi Quotes

Main Ne Dekha Hay Bahaaron Mein Chaman Ko Jalte
Hay Koi Khawaab Ki Taabeer Bataane Waala..

Udasiyon ka yeh mausam badal bhi sakta tha,
woh chaahta to mere saath chal bhi sakta tha,
woh shakhs ke jise tu ne, chhorrne mein jaldi ki,.
tere mizaaj ke saanche mein dhal bhi sakta tha,
woh jald-baaz khafa ho ke chal dia werna,
tamam maslon ka koi hal nikal bhi sakta tha,
anaa ne haath uthaane hi na diye werna,
meri dua se woh pathar pighal bhi sakta tha,
tamaam umer tera muntazir raha woh ek shaks,
yeh aur baat ki woh rassta badal bhi sakta tha..

Main lafzon mein kuch bhi izhar nahi karti
iska matlab ye nahi ke main tujhe pyaar nahi karti,

Chahti hoon main tujhe aaj bhi par
teri soch mei apna waqt bekar nahi karti..

Jiski aarzoo thi woh dilbar na mila
barso jiska intezaar kiya woh pal na mila
ajeeb khel hai yeh mohobbat ka
kisi ko hum na mile aur koi humein na mila..

Tu chaand hai is zameen ka aur main sooraj
yahi wajah hai ke apne darmiyaan doori hai
rok na mujhko dekh zidd na kar
teri chaandni ke liye mera doobna zaruri hai..

aadatan tum ne kar diye vaade
aadatan ham ne aitabaar kiyaa

terii raahon mein baarahaa ruk kar
ham ne apanaa hii intazaar kiiyaa

ab naa maangenge zindagii yaa rab
ye gunaah humne ek baar kiya..

- Sampooran Singh Kalra (Gulzar)

Na ghubar mein na gulab mein mujhe dekhna
mere dard kee aab-o-taab mein mujhe dekhna
kisi dhun mein tum bhee jo bastiyon ko tyag dou
isee rah-e-khana-e-kharaab mein mujhe dekhna..

- Azeez Jehan (Ada Jafri)
modern-age First Lady of Urdu Poetry