Kiya Karti Hoon Tanhai Main Ashkon Se Wuzu Aksar, Tassawur Mein Quotes

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Bahaae ashk kyyn tumhare inhein rok lo khudaara
mujhe dukh kabool saare, yeh sitam nahi gawaara..

Kisi tarang kisi serkhushi mein rehta tha
ye kal ki baat hai dil zindagi mein rehta tha
bas ek shaam khamoshi se toot gaya
humein jo maan teri dosti per rehta tha..

Dolat-e-dard ko duniya se chupa kar rakhna
aankh main boond na ho dil mein dariya rakhna..

Rizzaq-e-do-jahan ke khazane ko kiya hua
Milta hai ghum woh bhi kisi ka diya hua..

Paash-paash ho jaein ab to ye maflooj sochein
rooh pe koi taaza zarbe sitam laga ke dekho..

Yun na mil mujhse khafa ho jaise,
saath chal mauj-e-darya ho jaise

Log yun dekh kar hansi dete hain,
tu mujhe bhool gaya ho jaise

Ishq ko sherek ki had tak na badha,
yun na mil humse jaise ho khuda

Maut bhi aai to iss naaz ke saath,
mujh pe kia ho ehsaan jaise

Aise anjaan bane baithe ho,
tum ko kuch bhi na pata ho jaise

Hichkiyaan raat ko aati hi hain,
tune phir yaad kiya ho jaise

Zindagi beet rihi ha daalish,
ek be-jurm saza ho jaise..