Kiya Karti Hoon Tanhai Main Ashkon Se Wuzu Aksar, Tassawur Mein Quotes

Kiya karti hoon tanhai main ashkon se wuzu aksar,
tassawur mein raha karti hai tujh se guftugu aksar,

teri ankhon mein khud ko dhoondti hoon is liye shayed,
ke apni hi raha karti hai mujh ko justuju aksar,

takaa karti hoon tanha baith kar pehron jo phoolon ko,
tumhari un main hoti hai shabahat hu’bahuu aksar,

woh raaz dil jisey phoolon ki surat dil main rakha tha,
ussi ki to mehek phailli hai jaana, chaarsu aksar,

Sadaf! deen-e-wafaa ka dum to sab bharte hain lekin kyon,
issi ke naam par galiyon mein behtaa hai lahuu aksar..

- Sadaf Mirza

Kya aise kam sukhan se koi guf-ta-gu kare
jo mustaqil sukoot se dil ko lahoo kare
ab to humein bhi tark-e-taalluq ka gham nahi
par dil yeh chahata hai keh aaghaaz tu kare..

Zindagi ke kisi mor par wo jaan jayenge Faraz
ye par khalooos log bahut naayab hote hain..

Aankhon ki dehleez pe aa kar
sapne roz bikhar jaate hain..

Raaste badal jaate hain, manzilein badal jaati hain,
kyun nahin badalte dil jo taqdeerein badal jaati hain,
dil wahi rehta hai, yaadon ki annginat parchaaiyaan le ke,
aankhon ki nami chupa kar, nazrein badal jaati hain,
rooh rehti hai har lamha ashk-baar, lab hanste hain,
bahar aur andar ki kis tarah fizaaein badal jaati hain,
koi hota hai rafta-rafta zindagi se door, bahut door,
haathon ki yeh lakeerein kyun aksar badal jaati hain..!!

Kabhi yak bayak tawajjo, kabhi dafatan taghaaful
mujhe aazma raha hai, koi rukh badal-badal ke..

Faiz zinda rahein woh hain to sahi
kya hua gar wafa shuaar nahi..