Abhi Sooraj Nahi Dooba Zaraa Si Shaam Hone Do Main Khud Quotes

Abhi sooraj nahi dooba zaraa si shaam hone do
main khud hi laut jaaoonga, mujhe naa-kaam hone do

mujhe badnaam karne ke bahaane dhoondte ho kyun
main khud badnaam ho jaaoonga, pehle naam hone do

abhi mujhko nahi karna hai, aitraaf-e-shikast
main sab tasleem kar loonga, ye charcha aam hone do

meri hasti nahi anmol, phir bhi bik nahi sakta
wafaaein bech lena per zaraa neelaam hone do

naye aaghaz main hai hosla kyun haar baithe ho
jeet jaaoge sab kuch zaraa anjaam hone do..

Bebas kar deta hai kaanoon-e- mohabbat mujhe
warna tujhe itna chahun ke inteha kar dun..

Main ek aansu hi sahi hun buhat anmool magar
yun palkon se laga kar mujhe matti mein na milaa..

Hum ne kaha agar bhool jao humein to kamal ho jae
Hum ne to faqat baat ki, tum ne kamal kar diya..

Usne tora woh taalluq jo meri zaat se tha
usko ranj na jaane meri kis baat se tha
laa-taalluq raha logo ki tarah woh bhi
jo achchi tarha waaqif mere halaat se tha..

Ab meri deed ki dunya bhi tamaa-shaai hai
Tu ne kya mujh ko mohabbat main bana rakha hai..

Har taraf dhund hai, jugnu hai na charag koi,
Kaun pehchanega, basti mein agar jaaoonga..