Haadse Kya-kya Tumhaari Berukhi Se Ho Gaye Saari Duniya Ke Liye Quotes

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Mere khawabon ka har naqsh mita de koi
sookhe patton ka yeh dhair jala de koi
meri pehchaan ka ik shakhs is sheher mein hai rehta
main bhi zinda hun zara uss ko bata de koi..

Mujh ko rula kar woh bhi roya to hoga
mooh aansuon se usne bhi dhoya to hoga
agar na kiya hai haasil kuch humne pyaar mein
kuch na kuch usne bhi khoya to hoga..

Ye hum tasleem karte hain hume fursat nahi milti
magar yeh bhi zara socho tumhain jab yaad karte hain zamaana bhool jaate hain..

Ye toh nahi kay gham nahi
Haan magar aankh num nahi

Khushiyon ka dukaan-daar ye bola
Zinda ho, ye kiya kam nahi..?

Jo ek lafz ki khushboo na rakh saka mehfooz
main uss ke hath main saari kitaab kya deta..

Kaash dil ki aawaaz mein itna asar ho jaye
hum aapko yaad karein aur aapko khabar ho jaye
aaj khuda se itni hi dua hai
aap jo bhi chaahein woh aapke naseeb mein ho jaye..