Kaise Likhoge Mohabbat Ki Kitab Tum To Karne Lage Pal-pal Ka Quotes

Dar badar ki saza se darte hain
khushak patte hawa se darte hain
aandhiyon se kabhi mohabbat thi mujhko
ab to baad-e-saba se darte hain..

Details:
Baad-e-saba means Subah ki hawa or morning breeze..

Na ho udaas woh tujh se agar nahi milta
yahaan kisi se koi umar bhar nahi milta
hua hai shehar tabha tujh ko to khabar hogi
bahut dino se mujhe apna ghar nahi milta
har ik mod pe milte hain sainkron chehre
main dhoond-ta hun jisse woh magar nahi milta..

Tu jaane teri fitrat
main jaanu meri ibaadat
jab hoga aamna samna inn dono ka
teri fitrat badal jayegi ibaadat mein...... 🙏🏻🙏🏻🙏🏻

Kuch aisi be-sakooni hai wafa ki sarzameeno mein
jo ehl-e-muhabbat ko sada be-chein rakhti hai..

Abhi sooraj nahi dooba zaraa si shaam hone do
main khud hi laut jaaoonga, mujhe naa-kaam hone do

mujhe badnaam karne ke bahaane dhoondte ho kyun
main khud badnaam ho jaaoonga, pehle naam hone do

abhi mujhko nahi karna hai, aitraaf-e-shikast
main sab tasleem kar loonga, ye charcha aam hone do

meri hasti nahi anmol, phir bhi bik nahi sakta
wafaaein bech lena per zaraa neelaam hone do

naye aaghaz main hai hosla kyun haar baithe ho
jeet jaaoge sab kuch zaraa anjaam hone do..