Zindagi To Kab Ki Ho Chuki Khaamosh Dil To Bas Aadatan Quotes

Zindagi to kab ki ho chuki khaamosh
dil to bas aadatan dhadakta hai..

Pehlu se dil ko le ke voh kehte hain naaz se
Kya aayenge ghar mein aap hi jab mezban na ho.. - Lala Madhur Ram Jauhar

Jaane kyun yeh kambakht nazar lag jaati hai
haseen raaton ke baad gham ki dhoop chaa jaati hai
kyun nahi thehar jaata hai yeh waqt us mod par
jahaan mere alfaazon se unke labo pe hansi aa jaati hai..

Majrooh! Likh rahe hai voh ahl-e-vafa ka naam
Ham bhi khade huye hai gunahgaar ki tarah.. - Majrooh Sultanpuri

Taluq ab yahan kam hai mulaqatein hain bahut zyada
hajoom-e-shehar mein har shahks tanha ho gaya hai
main tujhse saath bhi to umar bhar ka chahta tha
so ab tujh se gila bhi umar bhar ka ho gaya hai..

Lahaq hai yahan marz muhabbat ka sabhi ko
is shehar ke logon mein waba aam bohat hai
har darja sharafat ka libada hai orha
aur dil mein haqarat ki bala aam bohat hai
rishton ke yahan paas to rakhte hain sabhi par
hairat hai ke lutne ki sada aam bohat hai
daawa hai ke har fard wafadaar hai yahan
hai darj kitabon mein jafa aam bohat hai
tum naik tamannaein to rakhte ho bahut Qateel
is shehar mein naiki ki saza aam bahut hai..

Mohabbat ki imaarat gir gayi hai
koi malbe pe baitha ro raha hai
hawa patton se sir takra rahi hai
tere jane ka maatam ho raha hai..