Aksar Woh Meri Nazm Ka Unwaan Raha Hai Lekin Woh Meri Quotes

Aksar woh meri nazm ka unwaan raha hai
lekin woh meri mohabbat se anjaan raha hai
kuch kaha na kabhi is dar se ki bura maan na jaye
magar woh ab isii baat ka bura maan raha hai..

Kal shaam tere ghar qayam kis ka tha
na tha koi musfir to ehtmam kis ka tha
likh-likh choomti rahi jis ko raat bhar ankhen tumhaari
humein bhi batao woh naam kis ka tha
jis ko sun ke ro pare ehl-e-mehfil
itna bheegta hua anjam kis ka tha
humein pee ke hosh na raha saaqi
woh haath kis ka tha woh jaam kis ka tha..

Muhabbatein kabhi zanjeer-e-paa nahi hoti
na chal sako jo ikkatthe to bichhar jaao doston ki tarha..

Kar guzaarish khuda se 'abhi' tu apne liye,
ki jee le ek aur din tu kisi ke liye,
har nayi mushkil se kyun ghabrata hai tu,
ek umar guzarti hai tajurbon ke liye,
saaki ne band kiye maikadaa'n ke darwaaze,
paimaano ki zaroorat nahi nigaahon se peene ke liye,
furkat-e-yaar mein bekaraar hai 'abhi',
aur mausam bhi tayyaar hai barasne ke liye,
doosre ke girebaa'n mein jhaankta hai jo,
ek nazar rakhe apne girebaa'n ke liye bhi..
- Abhishek Tanwar

Ajjab soorat-e-haal hoti jaa rahi hai
raat ke baad raat hoti jaa rahi hai

woh to ab bhi mukammal hai pathar ki tarha
raiza-raiza meri zaat hoti jaa rahi hai

main to aaj bhi tanha hoon kal ki tarha "Wasi"
saari kaainaat uss ke saath hoti jaa rahi hai..

Khushboo teri dosti ki mujhe mehka jaati hai
teri har baat mujhe behka jaati hai
saans to bahut der leti hai aane mein
har saans se pehle teri yaad aa jati hai..

Kafan na dalo mere chehre pe
mujhe aadat hai muskurane ki
na dafnaao meri laash ko
mujhe ab bhi umeed hai uske aane ki..