Makhsoos Dilon Ko Ishq Ke Ilham Hotey Hain Mohabbat Moajiza Hai, Quotes

Makhsoos dilon ko Ishq ke ilham hotey hain
Mohabbat moajiza hai, mojazey kab aam hote hain..

Woh dil hi kya tere milne ki jo dua na kare,
main tujhko bhool ke zinda rahun khuda na kare..

rahega saath tera zindagi bankar,
yeh aur baat meri zindagi wafa na kare..

yeh theek hai koi marta nahi judaai mein,
khuda kisi ko kisi se magar pyaar juda na kare..

agar wafa pe bharosa rahe na duniya ko,
to koi shaks muhabbat ka hausla na kare..

suna hai unko muhabbat duaayein deti hai,
jo dil pe chot khaayein magar gila na karein..

zamaana dekh chuka hai parakh chuka hai,
'katil' jaan se jaaye magar iltajaa na kare.. - 'Katil' Shifaai

Tum ko chahte hue bhi bhool jana acha laga
Aansu ko chupa kar muskurana acha laga
Tum ajnabi the mere liye magar apna jaan kar acha laga
Pehchan to ik pal ki thi, magar sadiyon se jaan kar acha laga..

Mujh se hogi nahi duniya yeh tijarat dil ki
main karun kya ke mera zehan hai khawabon waala..

Main bhi hairan huya ae Dagh ke yeh kya baat hai
Vaada voh karte hai, aata hai tabassum mujhko.. - Nawab Mirza Dagh Dehlvi

Kuch aise dost meri nighah mein hain qatil
ke mujh ko jis se baaz rakhein khud usi pe marte hain..

Haath uthe hain magar lab pe dua koi nahi
ke ibadat bhi woh jis ke jaza koi nahi
ye bhi waqt aana tha ab to gosh har aawaz hai
aur mere barbad-e-dil mein sada koi nahi

aa ke ab taslim kar lain tu nahi to main sahi
kon manega ke hum mein bevafa koi nahi
waqt ne wo khak udai hai ke dil ke dasht se
qafile guzre hain phir bhi naqsh-e-pa koi nahi

khud ko yun mahasur kar baitha hun apni zaat mein
manzilen chaaron taraf hain rasta koi nahi
kaise raston se chale aur kis jagah pahunche ‘faraz’
ya hujum-e-dostan tha sath ya koi nahi