Koi Taveez Ho Radd-e-balla Ka Mohabbat Mere Peeche Par Gayi Hai.. Quotes

Koi taveez ho radd-e-balla ka
Mohabbat mere peeche par gayi hai..

Lehron se milkar na woh beh sake na hum
ek dooje ke dil mein na woh reh sake na hum
jeet lete aasma ek din lekin, palkon ki khamoshi ko
honto se na woh keh sake na hum..

Naakaamiyon ne aur bhi sarkash bana diya
itne hue zaleel ke khuddaar ho gaye..

Woh hairaan hain humaare zabt pe keh do qaatil inse
jo daaman pe nahi girta woh aansoo dil pe girta hai..

Ye nashist kya hai raah mein, terey zauq-e- ishq ko kya huwa
abhi chand kaantey chubhey nahi ke sab iraadey badal gaye..

Phir paish-e-nazar surat-e-mehtab hai koi
ya meri nigahon mein naya khawab hai koi
yeh baat garaan khawab ko ab kaun bataye
tere liye is raat mein be-khawab hai koi
palkon pe jo roshan hai sar-e-sham-e-tamanna
woh ashk nahi gohar-e-nayaab hai koi
yeh sirf karishma hai meri chashm-e-talab ka
sehra mein kahan gulshan-e-shadaab hai koi
nawaqif-e-adaab-e- mohabbat ko khabar kya
kab se raah-e-umeed mein betaab hai koi..

Saleeqa hi nahi shaayed usey mehsoos karne ka
jo kehta hai Khuda hai to nazar aana zaroori hai..