Woh Aise Ishq Mein Kaisa Kamal Rakhta Hai Ki Be-rukhi Mein Quotes

Aise zakhmon ka kya kare koi
jinko marham se aag lag jaye..

Phir paish-e-nazar surat-e-mehtab hai koi
ya meri nigahon mein naya khawab hai koi
yeh baat garaan khawab ko ab kaun bataye
tere liye is raat mein be-khawab hai koi
palkon pe jo roshan hai sar-e-sham-e-tamanna
woh ashk nahi gohar-e-nayaab hai koi
yeh sirf karishma hai meri chashm-e-talab ka
sehra mein kahan gulshan-e-shadaab hai koi
nawaqif-e-adaab-e- mohabbat ko khabar kya
kab se raah-e-umeed mein betaab hai koi..

Main neend ka shaukeen toh nahi, lekin
kuch khwaab na dekhu toh guzaara nahi hota..

Aksar woh meri nazm ka unwaan raha hai
lekin woh meri mohabbat se anjaan raha hai
kuch kaha na kabhi is dar se ki bura maan na jaye
magar woh ab isii baat ka bura maan raha hai..

Yeh din yeh raat mujhe achche se lagte hain
Tumhe sochoon to saare silsile achche se lagte hain
bahut door talak chalna phir bhi wahi rehna
mujhe tum se tum tak ke faasle achche se lagtay hain..