Majrooh! Aaj To Hai Shab-e-vasl-mah Ro Keh Do Ke Koi Jaldi Quotes

Haadse kya-kya tumhaari berukhi se ho gaye
saari duniya ke liye hum ajnabi se ho gaye

kuch tumhaare gesuon ki berehemi ne kar diye
kuch andhere mere ghar ki roshni se ho gaye

banda-parvar khul gayaa hai aastaanon ka bharam
aashnaa kuch log raaz-e-bandagi se ho gaye

gardish-e-dauraan zamaane ki nazar aankhon ki neend
kitne dushman ek rasm-e- dosti se ho gaye

yun to hum aagaah the sayaad ki tadabir se
hum asiir-e-dum-e-gul apni khushi se ho gaye

ab kahaan ae dost chashm-e-muntazir ki aabaru
ab to unke ahad-o-paimaan har kisi se ho gaye

har kadam "Sagar" nazar aane lagi hain manzilein
marhale kuch tae meri aavaaragi se ho gaye..

Details:
haadse = accidents/misfortunes
berukhi = indifference
gesu = hair
berehemi = disorder
aagaah = forewarned
sayaad = hunter
tadabir = arrangement
asiir = prisoner
chashm = eye
muntazir = waiting
ahad-o-paimaan = promises
marhale = difficult work/journey

Teri duniya mein ya rabb zeest ke saamaan jalte hain
faraib-e- zindagi ki aag mein insaan jalte hain..

Socha hai aaj phir Unki yaadon ko seene se lagaya jaye,
Yaad karke unki ankho ko, chehre ko, is dil ko behlaya jaye,
Rahenge Hosh main to yeh masroofiat hume unhe yaad karne nahi degi,
So madhosh hone ke liye aaj phir ik jaam uthaya jaaye..

Abhi sooraj nahi dooba zaraa si shaam hone do
main khud hi laut jaaoonga, mujhe naa-kaam hone do

mujhe badnaam karne ke bahaane dhoondte ho kyun
main khud badnaam ho jaaoonga, pehle naam hone do

abhi mujhko nahi karna hai, aitraaf-e-shikast
main sab tasleem kar loonga, ye charcha aam hone do

meri hasti nahi anmol, phir bhi bik nahi sakta
wafaaein bech lena per zaraa neelaam hone do

naye aaghaz main hai hosla kyun haar baithe ho
jeet jaaoge sab kuch zaraa anjaam hone do..

Mere khawabon ka har naqsh mita de koi
sookhe patton ka yeh dhair jala de koi
meri pehchaan ka ik shakhs is sheher mein hai rehta
main bhi zinda hun zara uss ko bata de koi..