Kabhi Yak Bayak Tawajjo, Kabhi Dafatan Taghaaful Mujhe Aazma Raha Hai, Quotes

Kabhi yak bayak tawajjo, kabhi dafatan taghaaful
mujhe aazma raha hai, koi rukh badal-badal ke..

Hum charagh-e-shub hi jab thehre to phir kia sochna
raat thi kiss ka muqaddar aur sahar dekhega kaun
har koi apni hawa mein mast firta hai Faraz
is shehr-e-napursaan mein teri chashm-e-nam dekhega kaun..

Hum ne kaha agar bhool jao humein to kamal ho jae
Hum ne to faqat baat ki, tum ne kamal kar diya..

Dete ho kyun yeh dard bas hami ko
Kya samjhoge tum in aankhon ki nami ko
Yun to honge laakhon deewane is chand ke
Chand kya mehsus karega ik taare ki kami ko..

Woh ajnabi hai jaane kab chor de
hawa ka kiya pata kab rukh mor de
hum to har ek ke dl ko khush rakhte hain
magar kisi ka kiya pata ke kab dil tor de..

Mana ki is zameen ko na gulzaar kar sake,
kuch khaar kam hi kar gaye guzre jidhar se hum..

Kuch apni galtiyon ka azala karo Wasi ,
yun nafraton ko dil mein pala na karo Wasi ,
seedha sa ik sawal hai seedha jawab do,
yun muskura ke mujh ko na tala karo Wasi ,
alfaz gira dete hein jazbat ki qeemat,
jazbat ko lafzon mein na dhala karo Wasi ,
sambhle hue logon ke girne ki fikr choro,
jo gir rahe hain unko sambhala karo Wasi ..